فرصة سعيدة

الأربعاء، يونيو ١٣، ٢٠٠٧

حبيبي ولا على باله


أقد م لكم صديقي العزيزين
الشهيرين بأبنائي
فداء الدين وشهرته دو
وعمر وشهرته عمر
يسرقان من الزمن وقتًا للمرح على شاطيء الإسكندرية في مايو الفائت
كلما نظرت لهما وهما يكرسان وقتهما الأساسي للهو واللعب وسبيس توون وإغراق الشقة لأمهما بالماء
أتذكر قول الأخ الفاضل عمرو دياب حبيبي ولا على باله
وبدلا من أن أنكد عليهما بطرح ما ينتظرهما من سنين شقاء في هذه الحياة الهزلية
أقول لنفسي دعهما يتزودان بالقدر اللازم من المرح
فنصيبهما من الكآبة محجوز لا سيما وهما سيحملان هوية مصرية
اعذراني يا حبايبي فأنا أحد أسباب هذا المقلب البايخ

18 تعليقات :

  • ربنا يحفظهملك يارب هم وأختهم

    وإن شاء الله هيطلعوا حاجة حلوة أوي
    ومين عارف..
    يمكن تكون مصر حاجة تانية ساعتها
    أو تكونمصر خلصت!

    كتب Blogger مُصْعَب إِبْرَاهِيم, في ٤:٢١ م  

  • ايه يا عم الكابة دي افرح بيهم وخلاص مش لازم تفكر في مستقبلهم المنيل ده

    كتب Anonymous غير معرف, في ٤:٢٣ م  

  • مممممممممم شكلهم زي السكر ياقلبي عليهم ربنا يحميهم يارب من العين والحسود ويحفظهم من كل شر ، خلاص يا عمنا رقوة بقى تخليهم كده براحتهم لحد ما يوصلوا للمرحلة اللي انت مخبيهم عليها، وفرح الحلوة فينها ولا انت مبتعترفش بالبنات

    كتب Blogger ام مليكة, في ٥:١٥ م  

  • جرى إيه يا أحمد فين فرح صحيح؟؟؟
    إيه المجتمع الذكوري ده؟
    أنا كنت متوقعة الصراحة إني ألاقيها بتلعب من أخواتها الرجالة بالمايوه الأحمر والعيال وعمالة تبلبط في المية:)))

    أمال فين أحمد زين الشخص السبور بتاع زمان؟
    على العموم سيبهم يعيشوا حياتهم .. بكرة يتصدموا لوحدهم ما تستعجلش

    كتب Blogger MariumaZ, في ٨:١٤ م  

  • ما تقلبش علينا المواجع ياعم زين
    باين ان كل اللآباء الشبان بيفكروا في ابنائهم بنفس الإحساس تقريبا ياتري بكره فيه ايه ..ودول هيعملوا ايه في ايامهم الجاية ..وياتري كيلو اللحمة هيبقي علي ايامهم بكام وهيلاقوا شغل وشقق ولا الحاجات دي هتبقي من رابع المستحيلات .؟!
    ربنا يخليهم لك ياأبو الفداء
    حسام كمال

    كتب Anonymous غير معرف, في ١٠:٣٦ م  

  • عيال مين اللي بتبلبط . . العيال دي بتجري رايحين يطلعوا البضاعة المتصبرة في البحر من غير ما تتكيس وده عيب التسليم لما يكون في بطن الزير . . الله يرحم ايامك يا دقشوم انت والدفاس

    كتب Blogger الكواكبي, في ١١:١٠ ص  

  • ربنا يخليهم لك
    ويحفظهم
    ويجعل ايامهم ايام حلوة وسعيده
    ويا عالم يمكن هما اللي يكون علي ايديهم الفرج

    كتب Anonymous غير معرف, في ١٢:٤٣ م  

  • مصعب
    شكرا يا جميل
    موضوع انهم يطلعوا في مصر احسن ابويا الله يرحمه كان بيقوله لي وانا قدهم والله
    بس مات وانا كبرت ولا لاقي مصر أحسن ولا مصر اليوم في عيد
    بس قليل من الأمل قد لا يفسد المعدة
    المجهول
    إن شاء الله مستقبلهم يكون لطيف بس دي مشاعري فعلا في الليلة الكحلي دي
    بنت أمها الغالية
    شكرا للدعوة الجميلة
    بخصوص فرح مش هينفع أضمها مع الاتنين الأشرار دول
    عايز أكتب لها بوست خاص كدة لونه روز مثلا
    مريم
    منورة وما متقلقيش هي من ناحية بلبطت فهي بلبطت لكن انا كنت شايلها وانتي عارفة طبعا قد ايه ممكن شكلي يفسد رقة البنوتة اللطيفة دي فمش هعرف اجيبها بالميوه بس فيه فستان فظيع هتعمل بيه البوستر الجديد

    حسام بيه كمال
    لا هما إن شاء الله هيلاقوا شقق وشغل بس ومش حاسس اننا دلوقتي هي دي مشكلتنا الأساسية لكن مشكلتنا اننا في اي لحظة معرضين للضرب وأشياء أخرى
    المعلم الكواكبي
    ما نت عارف القشوم وأبو دفاس من ساعة ما دخلوا السجن واحنا بنخزن البضاعة في اكياس بلاستيك
    عبد الجواد
    انت أحمد ؟
    على العموم نورت المدونة

    كتب Blogger فرصة سعيدة, في ١:٢٤ م  

  • باشا

    ربنا يباركلك فيهم يا رب ...انا موش عجبنى المدونة انا عجبنى تصوير الصورة ...تحفة ...الاضاءة و اللحظة الملقوطة فيها كله تحفة...و ده ميمنعشى ان ربنا يباركلك فيهم برضه زى ما كل اللى علقوا قالولك...
    نفسى تنور مدونتى و تشوف عمر افندى كمان اللى عمره من عمر بنتك فرح يمكن ربنا يكرمهم و يلموا مدوناتهم على بعض و يجيبوا مدونات صغيرة بعد كده

    كتب Blogger عمر أفندى و أبووه, في ١:٤٨ م  

  • ابو عمر
    صباح الجمال
    ايوة يا حبيبي انا معاك انا كمان حبيت الصورة قوي
    انا بدخل مدونتك يا بطل وبشوف عمر
    بالنسبة لموضوع لم المدونات على بعض اعتبر ده وعد؟

    كتب Blogger فرصة سعيدة, في ١٢:١٨ م  

  • ربنا يحفظههم..أغبطك كثيييييييييييييرا على استمتاعك بأبوتك

    كتب Blogger واحد, في ٦:٠٧ م  

  • باشا
    ربنا يخليلك دودو وعومن - زى ما هو كان بينطقها وهو صغير- .. انت طبعا عارف كويس اد ايه انا بحب دودو قصدى بعشقه
    وأد إيه انا كنت بموت من الفرحة لما عرفت من ماما انهم عيطوا كتير جدا بعد ماسلمنا عليهم يوم أكتوبر بلانت أنا وخطيبتى ...
    بالمناسبة خطيبتى بتقولى انت بتحب دودو زيادة عن اللزوم .. على الرغم من ان هى كمان بتحبه جدا، بس بتحب فرح أكتر.. بنات فى بعضيهم بقى يا باشا
    ربنا يخليلك دودو ويطلع لاعب كورة لأو مصور سينما أد الدنيا ويبعد عن طريق الهندسة والطب يارب .. آمين
    تحياتى
    أخو الريس

    كتب Blogger أنا بكره النكد, في ١:٣١ م  

  • ما شاء الله الصورة جميلة جدا جدا ربنا يخليهم لحضرتك ا. احمد ويبارك لحضرتك فيهم.

    وبلاش تفكر كدا فى مستقبلهم يمكن ميكونوش فى مصر ساعتها ويجوها اجازات أو زى ما مصعب بيقول يحصل فى مصر انقلاب وبقت حاجة تانية.

    عموما ربنا يكرمك ويبارك لك فيهم

    كتب Blogger marwa salah, في ١١:٣٦ م  

  • إلى من يكره النكد
    عاجبني بشكل بشع "بكره النكد"
    لأني فعلا من هؤلاء الذين يكرهونه

    رغم وقوعهم في فخه أحيانا
    بص يا سيدي انا طبعا بموت في دودو باعتباره البكري
    لكن فعلا بموت في فرح باعتبارها فراشتى الرقيقة
    يمكن اللي هيتظلم عمر (اومن) كما ينطقها فداء حتى الآن غلاسة على أخيه الصغنون
    لكن عمر صعب يتظلم لانه فقري موت وبتاع قفشات ونكت
    عقبالك يا بطل

    كتب Blogger فرصة سعيدة, في ١١:٣٠ ص  

  • شكرا يا مروة
    وياريت أقدر أصدقك أنتي ومصعب والحالمين جميعا
    أدام الله براءة حلمكم

    كتب Blogger فرصة سعيدة, في ١١:٣١ ص  

  • الله ينور
    عليك يا غالي
    بس ممكن سؤال
    هو يعني ايه هوية مصرية
    ويلا مش مهم

    كتب Blogger يلا مش مهم, في ١١:٣٨ ص  

  • فكرتني بأبويا...سيبهم يغرقوا الشقة ياعم..

    كتب Blogger أحمد الدريني, في ٤:٤٨ م  

  • ماشاء الله عليهم ربنا يحميهم يارب

    ضحكتهم جميله اوووى

    دى امانه عندك حافظ عليها لحد ما يوصلوا لبر الامان

    كتب Blogger ZaHrAt El3eN, في ١١:٠٤ ص  

إرسال تعليق

<< الرئيسية