فرصة سعيدة

الاثنين، مارس 19، 2007

حد يعرف حد زي قصاص؟

ثلاثة عشر عاما هي عمر معرفتي بك طويلة تلك الفترة أم قصيرة.. لا أدري...إذا سافرت كنت مودعي للمطار وإذا عدت كنت أول من أتصل به لينتظرني.. تقريبًا لم أكن أحتضنك .. ربما لانه مهما طال الغياب كنت معي ... أذكر يوم كنت في الخارج لعام تقريبا وأنت مع شلة الأصدقاء في المقطم للإفطار الرمضاني.. واتصلت بي لتغني لي مع الأصدقاء أحمد يا حبيبي .. لو تعلم كم ضحكت يومها حتى البكاء!!! يومها فتحت السبيكر وأسمعت زوجتي صوتكم كنت فخورا ان لي أحبابًا يتذكرونني في غربتي ويغنون لي
حسبتني لا أريد أن أنضم لهذا المأتم وعشرات غيره لكن ما بالقلب حيلة
لم أرد أن أكتب
لكن صورة القديس العاشق لهذا الوطن ... في مدونات أصدقائه ومعارفه وأحبابه لم تفلتني... أجبرتني على البوح ...
عجيب أمرك يا محمد ... كثيرون من يعتقدون أنك تهتم لهم وبهم كما لا تهتم بأحد غيرهم..
أنا منهم بالمناسبة ...
وكثيرون يعتقدون أنك لا يمكن أن تهتم بغيرهم كل هذا الاهتمام
وانا منهم كذلك..
قرات ماكتب هنا وهناك ...
من أصدقائك وإخوانك ...
فتعجبت ..هل اهتممت بكل هذه التفاصيل لكل هؤلاء البشر بهذه الطريقة؟
كيف لك ذلك يا مثابر؟...
ظننت أن هداياك الصغيرة الرقيقة لأبنائي في مناسباتهم المختلفة لا يمكن أن تتكرر مع أحد غيري .. لانك لا تنسى أبدا مناسبة لهؤلاء الصغار...
أذكر يوم وجدت من يعطيني قلمًا ويقول قصاص بعثه إليك.. فاستغربت وقلت من أين قال من المعتقل.. وفي حبسة أخرى –كثيرة مرات حبسك يا محمد في دولة البيادات - برواز من الخشب عليه آية قرآنية تدعو ناظريها للصبر... من يحتاج للصبر يا محمد انت في زنزانتك الباردة؟ أم نحن في قاهرتنا المقبضة؟
أتذكر يا صديقي صديقنا المشترك محمد عبد الحليم
الناصري الذي اعتقل فلما ذهبت له بنفحتك من الطعام والملبس بكى وقال الاندال خافوا وانت اللي جيت؟ ...
ذهبت لوالد محمد مع مجموعة من الأصدقاء خلال اليومين الأخيرين .. أحدهما كان معه مفتاح سيارته ... لما فتحها وجد مجموعة منعلب ألبان للأطفال .. ضحكنا وأوصلناها لأسرته وقلنا لهم محاولين اصطناع نكتة .. هو محمد اتجوز وخلف من ورانا؟ .. قال عم علي القصاص ده لبن لابن عادل صاحبكم .. يا عيني مكنش لاقيه فمحمد اشتراه له وما لحقش يوصله له.. ممكن توصلوه لابن عادل؟
كان سؤالي الدائم لأصدقائنا المشتركين وسؤالهم لي دومًا حد يعرف حد زي قصاص؟

14 تعليقات :

  • انا خلاص هاعيط هو بجد طيب قوي كده ؟!
    يابختكم انه صاحبكم براء كمان عمل تدوينة عنه وانا شفته كم مرة في معرض الكتاب وعلى قهوة ابو امين وفي الشارع وفي عشرينات كان جاي يزور زين هو ماشاء الله عليه وشه بيضحك على طول وكمان مريح لكن اللي بيتحكي عنه ده معناه انه انسان رائع
    ربنا يكرمه ويفك اسره ويرجع له لخطيبته واهله واصحابه بالسلامة

    كتب Blogger بنت امي الغالية, في 7:02 م  

  • ربنا يفك أسره.. أنا مش لاقي كتير أعمله :( للأسف

    كتب Blogger مصـ( الخير )ـعب, في 4:11 ص  

  • في ناس كويسة كتير يا عم الحاج ..بس إنت بس إلي مشفتش..والراجل معملش جديد هو بس خدوم والبلد مليانة خير..
    دايماً تهولوا وتضخموا المواضيع..
    البلد اتملت خبراء حتى في الكفته !!

    كتب Anonymous ****, في 8:56 ص  

  • الحقيقة انا كنت ناوي اتكلم عن قصاص بس استرعى انتباهي الأخ قليل الذوق بتاع خبراء في الكفتة وواضح انه محتاج يروح لواحد سيكاتري بالإضافة اني هاتكسف ارد عليه الرد الملائم فيما يخص الكفتة حفاظاً على الشعور والآداب العامة
    الحقيقة ان البلد اتملت ناس سلبيين وغشاشين ومتواكلين وناس المصلحة هي امهم والجدنيه ابوهم وبناء عليه لما يكون فيه واحد ما فيهوش الكلام اللي فات بل بالعكس ده بيتحلى بكل الصفات العكسية يبقى يستاهل اننا نفرح ونفخر اننا نعرف واحد زي ده
    واذا كان الأخ بتاع الكفتة ده ماعندوش جرأة انه يكتب اسمه لأنه عارف انه بيعلق تعليق واطي وليس في محله فمن باب اولى يتكسف انه يتريق على الناس اللي ما خافتش وبتدفع حريتها تمن مطالبتها بحقوق شعب للأسف بيضم ناس من عينتك
    جتكو القرف ناس زبالة

    كتب Blogger الكواكبي, في 11:17 ص  

  • السلام عليكم
    كنت في السجن أمس لزيارة الاخوة وهناك قابلت أحد الشويشية اللي يعرفوني من الاعتقالات السابقة وقالي بالنص كده وهو يبتسم إنت فين يا أستاذ وليد لك غيبة مشفنكش والاستاذ محمد مبيعديش شهرين تلاته إلا لما يشرفنا ... والله كان يتحدث بكل هذه البساطة تعجبت لتأثر الشويشية بمحمد لدرجة اعتبارهم اعتقاله زيارة لهم
    ربنا يفك أسره

    كتب Blogger ..... أنــــا, في 12:58 ص  

  • السلام عليكم
    ممكن ادخل
    ازيك يا زين وحشتنى وربنا يصبرك
    انت فكرتنى ب قصاص ، انا لا ادعى انى على علاقة قوية معه لكنى فاكر كويس لما اتحبست فى قضية علشان فلسطين والمظاهرات والذى منه فى سنة 2002 تقريبا
    رحت سجن طرة وقضيت هناك 3 شهور محترمين
    اول ما دخلت السجن كان قصاص مشرف هناك من يجيى 5 شهور
    ولقيت واحد جه على باب الزنزانة وقاعد ينادى على محمد البنا ، رديت عليه انت مين قاللى قصاص كان كالعادة مبتسم وظريف وبياكل مكسرات
    وطبعا خدوم لكل البشر وعامل علاقات جامده جدا مع الشاوشية (جمع شاويش) فى السجن
    كانوا بيفوضوه فى كل شئ توزيع الأكل وفتح الزنزانة وغلقها وتوزيع المهام على المساجين زى حالاتى
    وكنت دايما تسمع الشاويش ينادى باعلى صوته يا قصااااص انت فين يا عم تعالى شوفلك حل فى الموضوع ده
    بالمناسبة قصاص كان اصغر واحد فى السجن لحد انا ما شرفت والله مش عارف انا اصغر ولا هو
    شد حيلك يا قصاص
    مش عارف انت اللى مسجون ولا احنا

    كتب Blogger mohamed elbanna, في 6:29 م  

  • السلام عليكم ورحمة الله وبركاته
    انا باحثة واقوم ببحث عن المدونات وحرية الراى
    واتمنى تفاعلكم معى من اجل الوصول الى بعض القواعد والقوانين التى تساعد المدونين على نشر ارائهم بكل حرية
    وبقيود دينية اخلاقية تمهد وتنير وصول الكتابات الحرة الجيده مباشرة الى المسئولين والى قلوب الناس
    اتمنى مساعدتى فى ملأ استبيان به بعض الاسئلة الخفيفة
    وانتظر ردكم بالموافقة على معاونتى على المدونة الخاصة بى
    http://crazy-sosa.blogspot.com/
    او على الايميل
    sosa_444@yahoo.com
    ارجو تفاعلكم والاهتمام بالامر لجديته واهميته الشديدة

    **** ملحوظة
    الاستبيان موجود بالبلوج بتاعى وممكن تنزيله بسهولة وارساله على ميلى
    سارة الاسكافى

    كتب Blogger sosa, في 5:56 م  

  • فرصة سعيدو والله يا اخ فصة سعيدة .. مددونتك حلوة بجد .. انا بصراحة لسه جديد في عالم المدونات .. وبتعرف على المدونات اللي بتحقق شهرة اكبر في البداية .. مدونتك حلوة بجد وانت ظر مني تعليقات كتير من دلوقتي ورايح .. اسمي محمد عبد اللطيف ..عملت مدونة مع جماعة صحابي اسمها الصيف الهندي
    اتمنى انها تعجبك .. انتظر رايك
    اللينك اهه
    http://elsaifelhendy.blogspot.com/

    كتب Anonymous غير معرف, في 9:35 م  

  • نتشرف بدعوة سيادتكم والأسرة الكريمة لحضور إفتتاح المدونة الصاعدة بإذن الله .. كلماتى .. والعاقبة عندكم فى المسرات ..
    حضروكم يسرنا ..
    ودخانكم يضرنا ..

    كتب Blogger ياسر سليم, في 11:53 م  

  • باشا

    انا عايز اتكلم فى امتر من نقطة

    اولااً ان التدوين انا فاكره عبارة عن مشاعر و خواطر تخرج بطبيعية و بدون ترتيب و تقنين زى المواقع الصحفية وده اللى بعمله عندى فى مدونتى و لكن اكتشفت من مدونتك ان الحس الصحفى العالى عندك مخلى المواضيع اقوى بكتير...يعنى انا كتبت عن قصاص مشاعر داخلية حقيقية فعلاً ...لكن اللى كتبته انتا بالاسلوب ده ابكانى فعلاً...
    ده اللى انا كاتبه عن قصاص فى اول مدونة كتبتها فى حياتى اصلاً
    http://omarafandy.blogspot.com/2007/03/blog-post_15.html

    ثانياً ...انتا متعصب من الراجل قوى كده ليه يا عم اسلام (الكواكبى)مترضى بالرأى الاخر ...يعنى موش لازم كل الناس تحب قصاص مع ان انا بعشق قصاص
    انما لو كنت اتعصبت على اللامبارة و الاسلوب الوضيع بتاع الراجل بتاع الكفته يبقى عندك حق لانه بصراحة اسلوب حقير و ميصحش

    كتب Blogger abouomar, في 2:10 م  

  • السلام عليكم ورحمه الله وبركاته
    بصراحه دى اول مره ادخل المدونه او اعلق على موضوع بس بجد مبسوطه وسعيده جدا وانا بسمع ان لسه فى شخصيه كده فى مجتمعنا ربنا يكرمه ان شا الله

    كتب Anonymous دعاء الكروان, في 8:25 م  

  • السلام عليكم
    حقيقة يعجز قلمي عن كتاب أي شيء عن مثل هذا الأخ الطيب الكريم محمد القصاص، فكم وكم تعلمت منه في الجامعة وخارج الجامعة ..
    رأيته رجلا يحمل هم هذه الدعوة، لا يعبأ بشيء إلا نصرتها ورفع مكانتها، مهما كلفه ذلك من مشاكل وصعاب..

    أذكر وأنا في الفرقة الأولى، وبعد مظاهرة 5/11 .. أكيد تفتكرها يا زينهم ... وحدث ما حدث من اعتقالات في صفوف الإخوة، وبعضهم استطاع التخفي ..

    وقتها زاد القلب لوعة لرؤية الأحباب (محمد القصاص . علي ليله . مخمد شتا .... وغيرهم)
    أذكر أني عندما رأيت القصاص ونحن في طريقنا لبيت محمد شتا، وهو ينتظرنا أول شيء أعمله .. أني نزلت على يد أخي محمد القصاص لأقبلها، فلم يكن الحضن الذي ملأ كل جوانبي من قبله بكافي لأن يطفيء لهيب طول مدة غيابه عنا في الجامعة.

    بارك الله بكم أخي الحبيب محمد.

    كتب Anonymous عبد القادر الخبيري, في 2:46 م  

  • فعلا مفيش كتير زي استاذ محمد القصاص

    كتب Blogger shaymaa, في 10:48 ص  

  • Moxfouxumetut [url=http://wiki.openqa.org/display/~buy-motilium-without-no-prescription-online]Buy Motilium without no prescription online[/url] [url=http://wiki.openqa.org/display/~buy-prednisone-without-no-prescription-online]Buy Prednisone without no prescription online[/url]

    كتب Anonymous غير معرف, في 5:58 م  

إرسال تعليق

<< الرئيسية